Sofía Toro volve esta fin de semana á competición no Nacional Italiano de 470

Sofía Toro Prieto-Puga medalla de oro de los Juegos olímpicos de londres 2012

30 Abr Sofía Toro volve esta fin de semana á competición no Nacional Italiano de 470

 

A regatista coruñesa, campioa olímpica en Londres 2012, compite xunto á tamén galega Laura Sarasola tras días de concentración en Barcelona

A regatista galega Sofía Toro, campioa olímpica nos Xogos de Londres 2012, volverá esta fin de semana á competición no Campionato Nacional Italiano de 470, proba na que competirá xunto á tamén galega Laura Sarasola.

Tras a concentración de Barcelona e unha semana de adestramentos en augas coruñesas, as regatistas viaxaron onte a Italia, onde, ademais de participar no Campionato Nacional, tamén loitarán polo triunfo na Garda Trentino Sailing Week.

“É un sitio ao que tiñamos moitas ganas de ir xa que é famoso polas súas boas condicións, ademais temos oportunidade de poder participar en dúas regatas de nivel mundial no mesmo sitio en moi pouco tempo. O que nos vén fenomenal para continuar acumulando horas de competición e economizar custos”, apuntou Toro.

A campioa olímpica visitou esta semana a exposición que dá nome ao seu barco O Primeiro Picasso. A Coruña 2015: “É unha oportunidade única para coñecer esta parte da obra de Picasso que destaca polo seu realismo, en contraste coas súas obras posteriores. Ademais hai moitos cadros e fotos interesantes a etapa coruñesa”.

Pola súa banda, Laura Sarasola mostrou a súa ilusión por competir xunto a Toro nas dúas regatas italianas: “Estivemos adestrando duro durante estas semanas e temos moitas ganas de volver competir, sabemos que vai ser difícil pero temos moita ilusión e moitas ganas de facelo ben”.

Galiciaé.com

Diario de Pontevedra

http://galiciae.com/gl/nova/383387/sofia-toro-volve-esta-fin-de-semana-competicion-no-nacional-italiano-de-470#comment-1980

http://diariodepontevedra.galiciae.com/gl/nova/383387/sofia-toro-volve-esta-fin-de-semana-competicion-no-nacional-italiano-de-470

No Comments

Sorry, the comment form is closed at this time.

Share This